Perëndimi ka zero shanse për ta gjunjëzuar Rusinë

Një senatore e lartë ruse tha se Perëndimi ka zero shanse për ta gjunjëzuar Rusinë në mes të luftës në Ukrainë.

Kryetarja e Këshillit të Federatës Ruse (dhoma e lartë e parlamentit të Rusisë) Valentina Matviyenko tha të dielën se pesëmbëdhjetë muaj pas "fillimit të operacionit special ushtarak, është krejtësisht e qartë se Perëndimi ka zero shanse për të shtypur vendin tonë dhe për ta gjunjëzuar atë." "Fitorja e Rusisë në konfliktin e Ukrainës është e pashmangshme," tha senatorja ruse. Matviyenko tha se Rusia ka arritur që brenda një kohe sa më të shkurtër të përshtatë shtetin, shoqërinë dhe ekonominë me realitetet e reja, "pa përkeqësuar cilësinë e jetës së njerëzve, pa asnjë përplasje në sferën publike dhe politike, pa kufizimet më të vogla të të drejtave dhe lirive të qytetarëve”. Matviyenko tha se autoritetet ruse ishin plotësisht të vetëdijshme se ata "do të duhet të përballen me sfida të reja serioze të cilat, pa dyshim, do të kërkojnë një cilësi të re ndërveprimi midis autoriteteve dhe shoqërisë dhe ne duhet t'i trajtojmë ato plotësisht të përgatitur ".