Republika e Qipros dënon vizitën e Erdoganit në pjesën veriore

Ministria e Punëve të Jashtme e Republikës së Qipros dënoi vizitën e presidentit turk në pjesën veriore të ishullit.

Sipas agjencisë së lajmeve Mehr, Ministria e Punëve të Jashtme e Republikës së Qipros dënoi vizitën e presidentit turk Rexhep Tajip Erdogan në pjesën veriore të ishullit dhe e quajti atë një akt pushtues dhe të paligjshëm. Qiproja në një deklaratë theksoi se gjatë kësaj vizite presidenti i Turqisë dhe lideri i turqve qipriotë kanë ripërsëritur qëndrimin e tyre të papranueshëm ndaj Republikës së Qipros. Të hënën, Erdogan vizitoi pjesën veriore të Qipros, Republikën Turke të Qipros Veriore (TRNC).  Ky ishte udhëtimi i tij i parë jashtë vendit pasi u rizgjodh si president. Presidenti turk Rexhep Tajip Erdogan, i cili në udhëtimin e tij të parë jashtë vendit vizitoi pjesën turke qipriote, tha se turqit qipriotë kurrë nuk kanë qenë dhe kurrë nuk do të jenë pakicë. Presidenti turk, në udhëtimin e tij të parë jashtë vendit pas fitores së zgjedhjeve, theksoi se kthimi i turqve qipriotë në negociatat me Qipron është i mundur nëse njihet Republika e Qipros Veriore Turke.  Ishulli i Qipros në Detin Mesdhe, pas mosmarrëveshjes midis Greqisë dhe Turqisë në vitin 1974 dhe pas konflikteve ushtarake midis dy vendeve, u nda në dy pjesë turke (veriore) dhe greke (jugore). Kombet e Bashkuara nuk e njohin pjesën veriore të Qipros si shtet të pavarur dhe vetëm Turqia e ka pranuar këtë rajon si shtet.