Ndihma e re ushtarake prej 400 milionë dollarësh për Ukrainën

Ndërsa sulmet në luftën e Ukrainës përshkallëzohen, administrata Biden po dërgon deri në 400 milionë dollarë ndihmë ushtarake në Ukrainë, duke përfshirë municione për sistemet e avancuara të mbrojtjes ajrore dhe një numër dronësh survejimi Hornet, njoftuan të hënën zyrtarët amerikanë.

Sipas Associated Press, përmbajtja e kësaj pakete do të përfshijë kryesisht municione, veçanërisht raketa HIMARS dhe raketa speciale për automjetet Bradley (BDV) dhe një sistem të avancuar raketash tokë-ajër. Sipas burimeve të informuara, SHBA planifikon gjithashtu të dërgojë tanke, predha artilerie dhe 32 automjete të blinduara Stryker në Ukrainë, së bashku me pajisje të tjera ushtarake si mortaja dhe 28 milionë fishekë. Në përgjithësi, SHBA ka ofruar më shumë se 41 miliardë dollarë ndihmë ushtarake për Ukrainën që kur Rusia sulmoi Ukrainën në shkurt 2022. Sipas Pentagonit, Shtetet e Bashkuara kanë dërguar 32 miliardë dollarë ndihmë ushtarake në Kiev që nga fillimi i operacionit ushtarak të Rusisë në Ukrainë. Ministri i Jashtëm rus Sergei Lavrov dhe zyrtarë të tjerë kanë paralajmëruar vazhdimisht për kërcënimin e mundshëm të përhapjes së armëve perëndimore nga Ukraina në rajone të tjera. Sipas Anatoly Antonov, ambasadorit të Rusisë në Amerikë, militarizimi i Ukrainës nga Perëndimi është një kërcënim i drejtpërdrejtë për sigurinë e Evropës dhe botës.