Zbulimi i pranisë së gjermanëve në luftën e Ukrainës

Ministria e Brendshme gjermane zbuloi praninë e dhjetëra gjermanëve, të cilësuar si ekstremistë, në luftën në Ukrainë.

Sipas agjencisë gjermane të lajmeve DPA, Ministria e Brendshme gjermane zbuloi se që nga fillimi i luftës në Ukrainë, 61 persona të lidhur me ekstremizëm ose krime të motivuara politikisht kanë shkuar nga Gjermania në zonat e luftës në Ukrainë. Në vazhdim të këtij raporti, thuhet se kompania gjermane e armëve Rheinmetall, duke ndjekur qasjen ndërhyrëse të Gjermanisë në luftën e Ukrainës, njoftoi se planifikon të prodhojë 300.000 predha për sistemin e mbrojtjes kundërajrore Gepard dhe dërgesa e parë e këtyre municioneve që përfshin 40.000 predha, do të dërgohet në këtë vend deri në fund të vitit 2023. Vendet evropiane dhe perëndimore, veçanërisht Shtetet e Bashkuara, duke intensifikuar presionin e sanksioneve kundër Federatës Ruse dhe duke furnizuar Kievin me të gjitha llojet e armëve të lehta dhe të rënda, jo vetëm që nuk hodhën një hap drejt përfundimit të luftës në Ukrainë, por edhe nxitën zjarrin e konfliktit në këtë vend. Zyrtarët rusë dhe disa ekspertë dhe media perëndimore e kanë përshkruar luftën në Ukrainë si një luftë proxy midis Perëndimit dhe Rusisë.