Vritet lideri i Wagner, Yevgeny Prigozhin

Agjencia ruse e lajmeve TASS raporton se 10 persona janë vrarë pasi një avion privat u rrëzua në rajonin Tver, në veri të Moskës.

Shefi i Wagner, Yevgeny Prigozhin mendohet të ketë qenë në bordin e fluturimit, ka thënë pala ruse. Ministria Ruse e Situatave të Emergjencave u citua nga kanali televiziv RT të thoshte se të 10 personat në bord kishin humbur jetën dhe se Prigozhin "ishte në listën e pasagjerëve". "Një aeroplan privat Embraer Legacy u rrëzua gjatë rrugës nga Moska për në Shën Petersburg në rajonin Tver, afër fshatit Kuzhenkino. Në bord ndodheshin 10 persona, duke përfshirë 3 anëtarë të ekuipazhit. Sipas informacioneve paraprake, të gjithë personat në bord u vranë," tha ministria në një deklaratë. Themeluesi i grupit mercenar ishte në listën e pasagjerëve, por nuk është e qartë nëse ai hipi në avion. Prigozhin udhëhoqi një rebelim jetëshkurtër kundër ushtrisë më të lartë të Rusisë në qershor dhe u përshkrua në atë kohë nga Vladimir Putin si një “tradhtar”. Në një mesazh audio të postuar në Telegram më 23 qershor, Prigozhin akuzoi ushtrinë ruse se urdhëroi një sulm me raketa në kampet fushore të grupit Wagner në Ukrainë  duke vrarë "një numër të madh" të forcave të tij paraushtarake. Autoritetet në Moskë, megjithatë, e mohuan me forcë pretendimin e tij. Rebelimi përfundoi kur presidenti bjellorus Alexander Lukashenko ndërhyri për të ndërmjetësuar një marrëveshje. Prigozhin u pa për herë të fundit në një video dje që duket se ishte bërë në Afrikë.