Trump: Shtetet e Bashkuara po shkojnë drejt ferrit

Shtetet e Bashkuara “po shkojnë në ferr”, ka thënë ish-presidenti Donald Trump.

Trump tha të enjten se rizgjedhja e tij në zgjedhjet e ardhshme presidenciale do t'i jepte kombit një shans të fundit për të ndryshuar gjërat. Ai i tha radiostacionit satelitor SiriusXM se Shtetet e Bashkuara janë në një rënie të shpejtë. Kandidati kryesor republikan në zgjedhjet presidenciale të 2024 tha se SHBA "ka një shans të fundit", gjë që i bën "zgjedhjet e vitit 2024 më të rëndësishmet që kemi pasur ndonjëherë". “Vendi ynë po shkon keq, vendi ynë po shkatërrohet” nën administrimin e Presidentit Joe Biden, tha ai. "Ne jemi një komb në rënie serioze dhe unë mendoj se mund ta kthej atë shumë shpejt." “Kam një qëndrim të shkëlqyeshëm, nuk më dëmton aspak sepse po luftoj për vendin, po luftoj për njerëzit”, tha ish-presidenti 77-vjeçar, i cili përballet me akuza të shumta në gjykatat amerikane. Një sondazh, i publikuar nga Universiteti Quinnipiac të mërkurën, sugjeroi se 62% e votuesve republikanë duan që ai të jetë kandidati i partisë së tyre në 2024. Sipas sondazhit, Trump aktualisht është pas presidentit aktual Joe Biden me vetëm 1%.