SHBA synon të ridrejtojë ndihmën ushtarake nga Egjipti në Tajvan

Administrata e presidentit amerikan Joe Biden ka njoftuar Kongresin se synon të transferojë në Tajvan paratë që i kishte premtuar Egjiptit, thanë për CNN burime të njohura me këtë çështje.

Administrata njoftoi Kongresin se do të ulte 85 milionë dollarë në ndihmën për Egjiptin, e cila ishte kushtëzuar nga përparimi i Kajros në trajtimin e të burgosurve politikë, dhe në vend të kësaj do t'i devijonte ato para në Tajvan. Megjithatë, administrata amerikane do t'i lejojë Kajros të ketë akses në 235 milionë dollarë nga totali prej 320 milionë dollarësh në financimin ushtarak që i kishte premtuar Egjiptit, sipas një zyrtari të lartë në Departamentin e Shtetit të SHBA. Sekretari i Shtetit Antony Blinken kishte "përcaktuar se është në interesin e sigurisë kombëtare të SHBA-së që të heqë dorë nga disa kushte që lidhen me të drejtat e njeriut" dhe të lejojë që 235 milionë dollarë të shkojnë në Egjipt. Ridrejtimi i fondeve u raportua fillimisht nga Wall Street Journal. Në total, Shtetet e Bashkuara ofrojnë më shumë se 1 miliard dollarë ndihmë ushtarake për Egjiptin, pjesa dërrmuese e së cilës është e pakushtëzuar. Muajin e kaluar, një grup ligjvënësish i kërkuan Blinken që të ndalojë të gjitha 320 milionë dollarët në financimin ushtarak të huaj për shqetësimet në lidhje me abuzimet e të drejtave të njeriut nga Kajro.