Gjermania rrit kontrollet kufitare me Poloninë dhe Republikën Çeke
Ministrja e Brendshme gjermane Nancy Fazer tha se Berlini planifikon të rrisë kontrollet kufitare me Poloninë dhe Republikën Çeke për të përballuar krizën e emigrantëve.
Sipas IRNA, Fazer në një intervistë për gazetën Volt am Sonntag, të shtunën tha: Këto kontrolle duhet të shoqërohen me mbikëqyrje të të gjitha zonave kufitare dhe inspektime të rastësishme. Zyra Gjermane e Emigracionit në gusht njoftoi se numri i aplikimeve për emigrantë nga janari në korrik krahasuar me të njëjtën periudhë të vitit të kaluar ishte 78.1 për qind më shumë. Ministria e Brendshme e Gjermanisë javën e kaluar njoftoi se vendi do të ndalonte pranimin vullnetar të azilkërkuesve nga Italia për shkak të sfidave të gjera në pritjen dhe vendosjen e emigrantëve. Meqenëse disa vende të BE-së presin katër milionë refugjatë ukrainas, strehimi dhe mbështetja për azilkërkuesit në shumë raste është bërë më e vështirë. Refugjatët sirianë dhe afganë përbëjnë gati një të katërtën e kërkesave për azil këtë vit në Bashkimin Evropian. Kombësitë e tjera që kërkojnë mbështetje evropiane përfshijnë Venezuelën, Turqinë, Kolumbinë, Bangladeshin dhe Pakistanin. Sipas këtij raporti, Gjermania, e cila pranoi shumicën e refugjatëve sirianë në vitet 2015-2016, është ende destinacioni kryesor i refugjatëve të BE-së, veçanërisht refugjatëve sirianë dhe afganë. Gjithashtu, Spanja ka qenë destinacioni kryesor i azilkërkuesve nga Venezuela.
