Uashingtoni dëshmoi 28% rritje të vrasjeve këtë vit
Një raport i ri bëri të ditur se kryeqyteti amerikan ka parë një rritje prej 28 për qind të vrasjeve këtë vit, ndërsa krimet e dhunshme vazhdojnë të rriten në të gjithë vendin.
Raporti i publikuar të mërkurën vuri në dukje se viktimat e krimit në Uashington DC mbulojnë një gamë të gjerë nga nxënësit e shkollave fillore deri tek emigrantët. Raporti shtoi se pavarësisht të gjitha studimeve të kryera deri më tani, studiuesit dhe politikanët amerikanë nuk kanë qenë në gjendje të gjejnë një arsye konkrete pas rritjes së shkallës së krimit. Shifrat e fundit tregojnë se shkalla e vrasjeve në Uashington është rritur në një kohë kur ajo ka qenë në rënie në qytetet e tjera të mëdha. Sipas statistikave të policisë amerikane, numri i grabitjeve të armatosura të makinave në kryeqytetin amerikan është më shumë se dyfishuar. Raporti shtoi se shumë banorë të Uashingtonit tani shmangin vajtjen në pikat e karburantit gjatë natës, pasi janë të shqetësuar për vjedhjet e makinave. "Ky fenomen në Uashington DC është diçka e ndryshme në lidhje me tendencat e vrasjeve," kur krahasohet me qytete si Nju Jorku, Filadelfia, Çikago apo Baltimore, tha Richard Rosenfeld, një kriminolog në Universitetin e Misurit St. Louis. Rosenfeld shtoi se shpjegimi pas rritjes së vrasjeve në Uashington "mbetet mister".
