Paketa prej 100 miliardë dollarësh e Biden për sionistët dhe Ukrainën

Një media amerikane raportoi se Joe Biden planifikon t'i kërkojë Kongresit Amerikan 100 miliardë dollarë ndihmë për regjimin sionist dhe Ukrainën.

Sipas raportit të Agjencisë Ndërkombëtare të Lajmeve Fars, media amerikane "Bloomberg" duke cituar burime të informuara raportoi se "Joe Biden", presidenti i Shteteve të Bashkuara, planifikon t'i kërkojë Kongresit të këtij vendi një paketë ndihme prej 100 miliardë dollarësh për regjimin sionist dhe Ukrainën. Joe Biden po shqyrton një paketë shtesë me vlerë rreth 100 miliardë dollarë që përfshin ndihmë ushtarake për Izraelin dhe Ukrainën, së bashku me financimin për sigurinë kufitare dhe ndihmën për disa aleatë të Uashingtonit në rajonin Indo-Paqësor, raportoi Bloomberg. Bloomberg e përshkroi këtë paketë kërkese si "gjithëpërfshirëse" dhe shkroi se Biden synon të përdorë mbështetjen e dy partive kryesore amerikane për regjimin sionist në luftën me forcat e rezistencës palestineze në mënyrë që të miratojë ndihmën për Ukrainën, e cila është kundërshtuar nga Republikanët në Dhomën e Përfaqësuesve. Para kësaj, edhe botimi amerikan “New York Times”, duke cituar tre zyrtarë të informuar, raportoi se regjimi sionist ka kërkuar ndihmë ushtarake urgjente prej 10 miliardë dollarësh nga Uashingtoni. Ky publikim citoi tre zyrtarë që janë në dijeni të përmbajtjes së kësaj kërkese dhe shkruante se Kongresi Amerikan në përgjigje të tij po përgatit një projektligj në koordinim me Shtëpinë e Bardhë. Neë York Times shkroi se projektligji përfshin financimin që administrata Biden dëshiron të kërkojë për Ukrainën, Tajvanin dhe kufirin e saj me Meksikën.