Shpërthen hepatiti në Ukrainë
Shpërthimi i hepatitit në qytetin Vinnytsia në Ukrainë mbylli shkollat dhe dërgoi shumë njerëz në spital.
Sipas agjencisë së lajmeve Reuters, Ministria e Shëndetësisë e Ukrainës të dielën në mëngjes njoftoi se pas shpërthimit të hepatitit A në qytetin e Vinnytsia, shkollat në këtë qytet do të mbyllen dhe nga e hëna mësimet do të zhvillohen online. “Ihor Kozin”, zëvendësministri i Shëndetësisë i Ukrainës, të shtunën në Facebook shkroi: Tani gjëja kryesore është të identifikohen qendrat kryesore dhe shkaqet e përhapjes së kësaj sëmundjeje për të parandaluar sa më shpejt përhapjen e virusit të hepatitit A mes njerëzve. Zëvendësministri i Shëndetësisë i Ukrainës shtoi: Aktualisht, 141 njerëz nga Vinnytsia dhe rrethinat e saj janë shtruar në spital për shkak të virusit të hepatitit A. Njerëzit që marrin hepatitin A mund të ndihen të sëmurë për disa javë deri në disa muaj, por zakonisht shërohen plotësisht. Zëdhënësi tha: Deri më tani nuk kemi gjetur ndonjë arsye specifike për shpërthimin e papritur të kësaj sëmundjeje në këtë rajon, por jemi duke hetuar dhe gjetur qendrat e përhapjes së virusit të hepatitit A, veçanërisht duke ndjekur historinë dhe rrethin e kontaktit të personave të infektuar në rajonin Vinnytsia që ndodhet në qendër të Ukrainës.