Rusia tërhiqet nga traktati i kontrollit të armëve me Evropën
Rusia është tërhequr nga një traktat me vendet evropiane për mospërhapjen e armëve, mes tensioneve në rritje me Brukselin për konfliktin në Ukrainë.
Ministria e Jashtme e Rusisë tha të martën se Moska ishte tërhequr zyrtarisht nga Traktati i vitit 1990 mbi Forcat e Armatosura Konvencionale në Evropë (CFE).
Traktati CFE kishte vendosur kufizime në numrin e armëve konvencionale që mund të vendoseshin nga NATO dhe vendet e Traktatit të Varshavës në perëndim të maleve Ural.
“Në orën 00:00 të datës 7 nëntor 2023, përfundoi procedura për tërheqjen e Rusisë nga traktati”, tha Ministria e Jashtme ruse në një deklaratë.
“Kështu, dokumenti juridik ndërkombëtar... më në fund është bërë histori për Rusinë”, thuhet në deklaratë.
Ministria e Jashtme ruse theksoi të martën se "edhe ruajtja formale e CFE është bërë e papranueshme nga pikëpamja e interesave themelore të sigurisë së Rusisë".