Senatorja Warren:   Ndaloni bombardimin e Gazës

Senatorja demokrate amerikane Elizabeth Warren vuri në dukje se "kriza e Gazës po intensifikohet" dhe bëri thirrje për t'i dhënë fund bombardimeve të regjimit sionist.

Sipas IRNA, ky senator i Massachusetts në kanalin X shkroi: Sulmet ajrore izraelite shkatërrojnë ndërtesa banimi dhe infrastrukturë publike. Kufizimet në mbërritjen e ndihmave humanitare e kanë bërë jetën edhe më të vështirë.  Ndaloni bombardimet tani. Nga ana tjetër, një numër protestuesish pro-palestinezë dhe kundërshtarë të luftës demonstruan në Boston, kryeqytetin e Massachusetts dhe i kërkuan Warren të merrte më shumë masa për të ndaluar konfliktin. Rreth 100 protestues bllokuan trafikun e mëngjesit në një urë që lidh Bostonin me Kembrixhin.  Ata protestuan me thirrjet “ Tani për tani, armëpushim”. Faqja e lajmeve Hill së fundmi në një raport ka shkruar se lufta në Gaza e ka ndarë Amerikën në dy kampe mbështetësish të Palestinës dhe Izraelit. Për shembull, në Senat, senatori i pavarur Bernie Sanders dhe senatori demokrat Elizabeth Warren, megjithëse nuk kanë bërë thirrje për armëpushim, kanë refuzuar çdo pushtim të Gazës nga Izraeli. Javën e kaluar, Sanders dënoi "masat e vrasjes së njerëzve të pafajshëm" në Palestinë dhe tha se sulmet izraelite duhet të ndalen. Duke publikuar një video në rrjetin social X, ai i quajti sulmet e regjimit sionist kundër popullit palestinez “një nga momentet më të tmerrshme në historinë moderne” dhe shtoi:  Bombardimi i kampeve të refugjatëve dhe ambulancave dhe vrasja e mijëra grave, burrave dhe fëmijëve të pafajshëm është kundër ligjit ndërkombëtar dhe nuk është e pranueshme. Këto veprime duhet të ndalen. Ky senator i pavarur paralajmëroi për këtë "katastrofë njerëzore" dhe tha:  Amerika i jep shumë para Izraelit.  Detyra jonë është të themi se ju keni të drejtë të mbroni veten.  Por fëmijët palestinezë janë po aq të rëndësishëm sa fëmijët izraelitë dhe amerikanë.