Erdogan: Netanyahu, 'kasapi i Gazës', duhet të gjykohet në GJPN

Presidenti turk Rexhep Tajip Erdogan ka përsëritur se kryeministri izraelit Benjamin Netanyahu, të cilin ai e quajti "kasapi i Gazës", duhet të gjykohet në Gjykatën Penale Ndërkombëtare për kryerjen e krimeve të luftës në territorin e rrethuar palestinez.

Udhëheqësi turk i kërkoi edhe një herë gjykatës në Hagë që të sigurojë përgjegjësinë për Netanyahun, i cili "tashmë e ka shkruar emrin e tij në histori si kasapi i Gazës".

Ai tha se masakra e regjimit të Netanyahut në Gaza është gdhendur në histori si një "njollë e zezë".

"Ky është terrorizëm shtetëror. Ne nuk mund të heshtim kundër këtij terrorizmi shtetëror."

Presidenti turk në mënyrë të përsëritur ka bërë thirrje që regjimi pushtues izraelit të mbahet përgjegjës për krimet e luftës në Rripin e Gazës që kur Tel Avivi filloi luftën e tij në territorin e rrethuar palestinez pothuajse dy muaj më parë.

Duke iu referuar rifillimit të sulmeve të Izraelit në Gaza, Erdogan tha se shansi për paqe në territorin palestinez për momentin është humbur për shkak të "qasjes pa kompromis të Izraelit".

“Ne gjithmonë kemi theksuar se jemi në favor të një armëpushimi të përhershëm dhe jo të një pauze humanitare", shtoi ai.