Këshilli i Sigurimit dënoi sulmin terrorist në Kerman

Këshilli i Sigurimit i Kombeve të Bashkuara përmes një deklarate njoftoi: Dënojmë fuqishëm sulmin terrorist në qytetin Kerman të Iranit.

Këshilli i Sigurimit i OKB-së theksoi se terrorizmi në të gjitha format dhe manifestimet e tij është një nga kërcënimet më serioze për paqen dhe sigurinë ndërkombëtare. Anëtarët e Këshillit të Sigurimit theksuan nevojën për t'i vënë para përgjegjësisë autorët, organizatorët, financuesit dhe mbështetësit e këtyre akteve të dënueshme terroriste dhe për t'i ndjekur penalisht. Ata u bënë thirrje të gjitha vendeve që të bashkëpunojnë aktivisht me Iranin dhe autoritetet e tjera përkatëse në këtë drejtim, bazuar në detyrimet e tyre në ligjet ndërkombëtare dhe rezolutat përkatëse të Këshillit të Sigurimit. Anëtarët e Këshillit të Sigurimit theksuan se çdo akt terrorist, pavarësisht nga motivimi i tyre, kudo, kurdo dhe nga kushdo që kryhet, është kriminal dhe i pajustifikueshëm. Ata përsëritën nevojën që të gjitha vendet të luftojnë me të gjitha mjetet kundër kërcënimeve ndaj paqes ndërkombëtare dhe sigurisë për shkak të veprimeve të terroristëve, në përputhje me Kartën e Kombeve të Bashkuara dhe detyrimet e tjera sipas ligjit ndërkombëtar, duke përfshirë ligjin ndërkombëtar të të drejtave të njeriut, ligjin ndërkombëtar për refugjatët dhe ligjin ndërkombëtar humanitar.