Vazhdojnë sanksionet amerikane kundër Rusisë

Departamenti Amerikan i Shtetit ka sanksionuar katër individë dhe subjekte të lidhura me gjoja transferimin e raketave nga Koreja e Veriut në Rusi për luftën në Ukrainë.

Në shkurt të vitit 2022, Rusia filloi një operacion të posaçëm ushtarak me misionin e çmilitarizimit dhe denazifikimit të vendit pasi përjetoi një tension disa mujor me NATO-n pas kërkesës për ndihmë nga republikat e rajonit të Donbasit në lindje të Ukrainës.

Para operacionit të Rusisë në Ukrainë, Shtetet e Bashkuara dhe Perëndimi, duke adoptuar politika armiqësore kundër Rusisë dhe duke injoruar kërkesat dhe interesat e sigurisë së Moskës, krijuan terrenin për luftë në Ukrainë dhe gjatë këtij operacioni, i dhanë mbështetje të gjithanshme Ukrainës. Në lidhje me këtë dhe sipas agjencisë së lajmeve Reuters, Departamenti Amerikan i Shtetit në një deklaratë të premten njoftoi se linja ajrore "224th Flight Unit" dhe drejtori i saj "Vladimir Mihychik", qendra ushtarake "Asholok Firing Range" dhe kompleksi kërkimor Vladimirovka janë vendosur në listën e sanksioneve. Veprimi i ri i sanksioneve të SHBA-së kundër Rusisë vjen në një kohë kur sekretari amerikan i Shtetit Anthony Blinken, shefi i politikës së jashtme të Bashkimit Evropian Joseph Borrell dhe ministrat e jashtëm të 47 vendeve të tjera në një deklaratë dënuan transferimin e raketave nga Koreja e Veriut në Rusi. Ata kërkuan ndërprerjen e menjëhershme të bashkëpunimit mes këtyre dy vendeve. Kjo është ndërsa Dmitry Peskov, zëdhënësi i Kremlinit, të martën, në përgjigje të pretendimit të bërë nga Shtëpia e Bardhë për përdorimin e armëve të Koresë së Veriut në luftën e Ukrainës, tha se të gjitha armët e përdorura nga Ukraina kundër Rusisë janë prodhuar nga vendet perëndimore.