Guterres: Rafah është nën kërcënim serioz
Sekretari i Përgjithshëm i OKB-së Antonio Guterres tha: Jam thellësisht i shqetësuar për sulmin e mundshëm izraelit në Rafah, ndërkohë që mijëra refugjatë palestinezë jetojnë në këtë qytet.
Sipas kanalit televiziv Al Jazeera Mubasher, Sekretari i Përgjithshëm i OKB-së Antonio Guterres në një konferencë për shtyp njoftoi se situata në Gaza po përkeqësohet, së bashku me shkatërrimin, vdekjen, urinë dhe sëmundjet që kërcënojnë banorët e Rripit të Gazës. Antonio Guterres tha: Ndërkohë, Rafah është nën kërcënim serioz. Gjysma e popullsisë së Gazës tani është e përqendruar në Rafah. Ata nuk kanë ku të shkojnë. Ata nuk kanë shtëpi dhe asnjë shpresë. Sekretari i Përgjithshëm i OKB-së shtoi: Ata jetojnë në strehimore të mbipopulluara, në kushte josanitare pa ujë të rrjedhshëm, rrymë dhe ushqim të mjaftueshëm. Guterres shtoi: Operacionet tona humanitare në Gaza vazhdojnë të përballen me rreziqe të ndryshme, duke përfshirë vrasjen dhe shkatërrimin. Një numër i vogël autokolonash humanitare kanë hyrë në veri të Gazës. Guterres shtoi: Qëndrimi ynë në dënimin e sulmeve të Hamasit ndaj Izraelit është i qartë, në të njëjtën kohë ne dënojmë edhe veprimet që shkelin ligjin ndërkombëtar në Gaza. Vendosja e menjëhershme e një armëpushimi në Gaza është një domosdoshmëri dhe lirimi i pengjeve izraelitë në Rripin e Gazës është gjithashtu një domosdoshmëri definitive. Sekretari i Përgjithshëm i Kombeve të Bashkuara tha: Konfliktet e përsëritura të përgjakshme dhe dekada të tëra tensioni dhe okupimi, nuk kanë arritur të sjellin një shtet për palestinezët ose siguri për izraelitët. Në Lindjen e Mesme dhe në mbarë botën, ne kemi nevojë për paqe në çdo kuptim.
