Papa bën thirrje për paqe në Ukrainë dhe Gaza
Papa Françesku, udhëheqësi i katolikëve të botës, përsëriti thirrjen e tij për paqe në Ukrainë dhe Gaza gjatë fjalimit të tij të zakonshëm të së dielës në Vatikan.
Sipas agjencisë së lajmeve Anatoli, Papa Françesku u bëri thirrje të dielën liderëve politikë që të ndalojnë dhe të përpiqen të ndërmjetësojnë dhe të negociojnë në rrugën drejt paqes në Lindjen e Mesme dhe Ukrainë.
Ai kërkoi nga publiku që të vazhdojë të lutet për paqen.
Lideri i katolikëve të botës bëri thirrje për paqe të qëndrueshme në botë, veçanërisht në Gaza dhe Ukrainë, dhe u lut për të gjithë ata që po përpiqen të përshpejtojnë bisedimet e paqes.
Në fjalimet e tij, Papa ka bërë vazhdimisht thirrje për t'i dhënë fund luftës në Gaza dhe Ukrainë dhe u ka kërkuar liderëve politikë që të negociojnë për t'i dhënë fund dhunës. Më parë, ai i kërkoi komunitetit ndërkombëtar të marrë masat e nevojshme për të ofruar ndihmë për popullin palestinez dhe gjithashtu kërkoi lirimin e pengjeve në Rripin e Gazës.
