BRICS planifikon të krijojë një platformë të përbashkët pagesash
Vendet e BRICS kanë krijuar tashmë një platformë të veçantë për shkëmbimin e informacionit midis bankave të tyre qendrore, tha zëvendësministri rus i Jashtëm.
Vendet e BRICS planifikojnë të krijojnë një platformë që unifikon sistemet e tyre financiare, tha zëvendësministri i Jashtëm rus Sergei Ryabkov.
Ai shtoi: “Disa opsione janë duke u shqyrtuar në aspektin praktik. Për shembull, pagesat në monedha të qëndrueshme ose krijimi i një platforme që unifikon sistemet financiare të shteteve anëtare të BRICS. Aktualisht po zhvillohet një unifikim i mundshëm i sistemeve kombëtare të mesazheve financiare".
Ministri rus i Financave Anton Siluanov tha më herët se ministria e tij, së bashku me Bankën e Rusisë dhe partnerët e BRICS, do të hartojnë një sërë iniciativash që synojnë përmirësimin e sistemit monetar dhe financiar ndërkombëtar dhe do të shqyrtojë çështjet që lidhen me krijimin e platformës BRICS Bridge për një platformë të përbashkët të pagesave dixhitale.
