A po e provokon NATO-ja Japoninë për luftë me Rusinë?
Pars Today - Ministria e Jashtme ruse paralajmëroi Japoninë për zhvillimin e një loje lufte pranë kufijve rusë. Ministria e Jashtme ruse, duke lëshuar një deklaratë, njoftoi protestën e saj të fortë ndaj ambasadës japoneze në Moskë lidhur me një manovër ushtarake që do të mbahet pranë kufirit rus nga forcat ushtarake japoneze në bashkëpunim me anëtarët e NATO-s.
Sipas agjencisë iraniane të lajmeve "Pars Today", Ministria e Jashtme ruse, në këtë deklaratë, ka kritikuar lëvizjet provokuese të Japonisë dhe ka bërë të qartë se Moska i konsideron aktivitetet provokuese ushtarake të ushtrisë japoneze me pjesëmarrjen e Gjermanisë dhe Spanjës pranë kufijve rusë si një kërcënim të mundshëm për veten.
Ministri japonez i Mbrojtjes, Minoru Kihara, kishte njoftuar pak kohë më parë se forcat e mbrojtjes ajrore japoneze do të zhvillojnë një manovër në bashkëpunim me forcat e armatosura të Gjermanisë, Francës dhe Spanjës nga data 19-25 korrik. Kihara tha: "Loja e përbashkët e luftës me Francën do të zhvillohet në bazën ajrore në provincën Ibaraki, ndërsa loja e luftës me Gjermaninë dhe Spanjën do të zhvillohet në provincën Hokkaido." Hokkaido është afër kufirit me Rusinë.
Rusia dhe Japonia kanë polemizuar për dekada për çështje të ndryshme, duke përfshirë pronësinë e Ishujve Kuril.
Ndërkohë, zyrtarët rusë kanë kritikuar disa herë qasjen militariste të Japonisë në Azi dhe Oqeani gjatë dekadave të fundit.
