Ukraina: Ne fundosëm nëndetësen ruse në Detin e Zi
Ushtria ukrainase njoftoi të shtunën se kishte fundosur nëpërmjet një sulmi me raketa nëndetësen "Rostov-on-Don" dhe sistemin anti-ajror rus S-400 në gadishullin e Krimesë.
Sipas agjencisë së lajmeve Reuters, ushtria ukrainase njoftoi se shënjestroi me sukses dhe fundosi nëndetësen ruse "Rostov-on-Don" në portin e Sevastopolit, në Krime.
Ushtria ukrainase tha gjithashtu: "Sulmi i së premtes dëmtoi sistemin raketor anti-ajror S-400 në gadishullin e Krimesë të pushtuar në mënyrë të paligjshme."
Nga ana tjetër, Ministria e Mbrojtjes e Rusisë konfirmoi përmes një komunikate se nëndetësja luftarake “Rostov-on-Don” e këtij vendi shkoi në fund të Detit të Zi për shkak të sulmit të ushtrisë ukrainase në portin e Sevastopolit.
Ukraina ka sulmuar në mënyrë të përsëritur anijet ruse që nga fillimi i sulmeve në shkallë të gjerë dhe, sipas ushtrisë ukrainase, rreth 30 për qind e flotës ruse të Detit të Zi është shkatërruar ose çaktivizuar.
Sulmet e suksesshme të Ukrainës në Krime e detyruan Moskën të tërhiqte pjesën më të madhe të forcave të saj detare nga gadishulli në qytetin port rus Novorossiysk, i cili është kthyer në një port kyç për flotën ruse të Detit të Zi.
Ushtria ukrainase njoftoi gjithashtu se kishte sulmuar një aeroport në jug të Rusisë, si dhe depot e naftës dhe objektet e depozitimit të karburantit në rajonet Belgorod, Kursk dhe Rostov.