Protestuesit indianë kërkojnë drejtësi për përdhunimin dhe vrasjen e mjekes

Protestat vazhdojnë në të gjithë Indinë pas përdhunimit brutal dhe vrasjes së një mjeke praktikante ndërsa ishte në turn në një spital të Kalkutës, mes kërkesave në rritje për drejtësinë e grave.

Protestuesit dolën në rrugët e qyteteve indiane të enjten, duke kërkuar drejtësi për viktimën, legjislacion më të ashpër për të mbrojtur punonjësit e kujdesit shëndetësor dhe fundin e çështjes kronike të dhunës ndaj grave në shoqërinë indiane.

"Mizoritë ndaj grave nuk ndalen," tha Monalisa Guha, një nga protestueset për gazetën Telegraph të Kalkutës.

"Ne përballemi me ngacmime pothuajse çdo ditë," i tha të përditshmes një tjetër marshuese, Sangeeta Halder. "Por të mos dalësh për shkak të frikës nuk është zgjidhje."

Që nga e hëna, mjekët në spitalet shtetërore indiane në disa shtete kanë nisur një grevë, duke ndaluar disa nga shërbimet mjekësore për një kohë të pacaktuar.

Që atëherë, greva të ngjashme kanë ndodhur në disa spitale të tjera në të gjithë vendin, përfshirë edhe kryeqytetin. Mjekët po kërkojnë drejtësi të pa vonuar  dhe siguri më të mirë në vendin e punës.

"Mjekët në mbarë vendin po pyesin se çfarë është kaq e vështirë për miratimin e një ligji për sigurinë tonë," tha Dhruv Chauhan, nga Rrjeti i Mjekëve të Rinj të Shoqatës Mjekësore Indiane, për agjencinë e lajmeve Press Trust of India.

Greva do të vazhdojë derisa të plotësohen zyrtarisht të gjitha kërkesat. Kryeministri i Indisë Narendra Modi, duke folur në Nju Delhi të enjten në mëngjes në festimet e ditës së pavarësisë, kërkoi një dënim të shpejtë për ata që kryejnë vepra "monstruoze" kundër grave. Ai nuk iu referua në mënyrë specifike përdhunimit dhe vrasjes brutal të mjekes, por shprehu dhimbjen e tij për dhunën ndaj grave. "Ka zemërim për mizoritë e kryera ndaj nënave dhe motrave tona, ka zemërim në komb për këtë," tha ai. “Krimet kundër grave duhet të hetohen shpejt; sjelljet monstruoze ndaj grave duhet të ndëshkohen ashpër dhe shpejt”, shtoi ai. "Kjo është thelbësore për krijimin e parandalimit dhe besimit në shoqëri."

Trupi i brutalizuar i mjekes 31-vjeçare u gjet brenda sallës së seminareve të kolegjit mjekësor më 9 gusht. Është formuar një komision prej 11 anëtarësh për të hetuar vdekjen e studentes pasuniversitare të mjekësisë.  Mbetet një qefin heshtjeje rreth emrit të gruas, e cila ka qenë e lidhur me djalin e një drejtuesi të Partisë TMC, i cili thuhet se është i dyshuari kryesor për krimin. Familja e gruas së ndjerë ka pretenduar se faktet në lidhje me përdhunimin dhe vrasjen në spital po fshihen nga publiku dhe po ndodh një mbulim. “Ne besojmë se ajo u sulmua seksualisht dhe u vra. Çështja po mbulohet”, ka thënë babai i viktimës.