Rusia e krahason Ukrainën me ISIS-in

Rusia e ka krahasuar Ukrainën me ISIS-in, duke pretenduar se Kievi ka hartuar plane të shumta terroriste të ngjashme me ato të grupit terrorist tekfirist që synojnë të shënjestrojnë civilët.

Zëdhënësja e Ministrisë së Jashtme Maria Zakharova tha të premten se ngjashëm me ISIS-in, Kievi ka në arsenalin e tij skema të gjera të veprimtarisë terroriste - nga hedhja në erë e infrastrukturës civile dhe vrasja e civilëve deri te terrorizmi bërthamor".

Në një intervistë për agjencinë ruse të lajmeve, Sputnik, Zakharova paralajmëroi se termocentralet bërthamore Zaporozhye dhe Kursk në Rusinë perëndimore ishin “objekte të akteve kriminale terroriste të regjimit të Kievit.” Zaporozhye është centrali bërthamor më i madh në Evropë, ndërsa objekti i vendosur në Kursk është i treti më i madhi në Rusi.

Më herët gjatë ditës, Ministria ruse e Mbrojtjes tha se Kievi ishte përpjekur të sulmonte termocentralin bërthamor në Kursk, duke e denoncuar përpjekjen si një akt të "terrorizmit bërthamor".

Ministria tha se njësitë e saj të mbrojtjes ajrore kishin rrëzuar tre dronë sulmues ukrainas gjatë natës në rajon.