Rindërtimi i Gazës mund të zgjasë 80 vjet
Gazës i duhen 80 vjet për të rindërtuar të gjitha shtëpitë dhe ndërtesat e shkatërruara nga Izraeli gjatë vitit të kaluar, tha një raportues i OKB-së.
Eksperti i strehimit i Kombeve të Bashkuara, Balakrishnan Rajagopal tha të shtunën se deri në janar të këtij viti, midis 60% dhe 70% e shtëpive në Gaza ishin shkatërruar.
Zonat veriore, tha ai, po përballen me një shkallë shkatërrimi edhe më të lartë se 82%.
"Situata është shumë më e keqe tani," sipas Rajagopal i cili tha se shkatërrimi në veri të Gazës tani është afër 100%.
Bombardimi i paprecedentë i regjimit izraelit ka lënë rreth 42 milionë tonë mbeturina të grumbulluara aty ku ndodheshin shtëpitë, xhamitë, shkollat dhe dyqanet.
Rrënojat janë të përziera me mjete të pashpërthyera, mbetje toksike dhe materiale të tjera nga ndërtesat e shembura, tha Rajagopal, duke shtuar se ndotja e ujërave nëntokësore dhe tokësore ka arritur në një nivel katastrofik.
Ekspertët e OKB-së thonë se kostoja e rindërtimit të Gazës po rritet në mënyrë eksponenciale çdo ditë që vazhdon bombardimi i paprecedentë i këtij territori nga regjimi sionist.
