Prokurorët amerikanë mbyllin çështjet ligjore të Trump

Prokurorët federalë amerikanë të hënën njoftuan se kanë marrë vendim për të mbyllur dy akuza kundër Donald Trump, duke përfshirë mbajtjen e dokumenteve sekrete të qeverisë në pronën personale dhe përpjekjen për të përmbysur rezultatet e zgjedhjeve presidenciale të vitit 2020 në SHBA.

Sipas Euronews, ky vendim i prokurorëve është marrë në përputhje me politikën e kahershme të Departamentit Amerikan të Drejtësisë që presidentët e këtij vendi të mos ndiqen penalisht gjatë kohës që janë në detyrë. Departamenti Amerikan i Drejtësisë, me kërkesë të këshilltarit special Jack Smith, i ka kërkuar gjykatës të heqë katër akuza penale kundër Presidentit të zgjedhur Donald Trump në lidhje me përpjekjen e tij për të ndryshuar rezultatet e zgjedhjeve të vitit 2020. Sipas këtij raporti, kjo kërkesë shënon përfundimin zyrtar të këtij rasti para fillimit të mandatit të dytë të Trump. Raporti shton: Në kërkesën e tij, Smith tregoi se për shkak të politikës së gjatë të Departamentit të Drejtësisë për të mos ndjekur penalisht presidentët në detyrë, akuzat duhet të hiqen përpara inaugurimit të Trump. Sipas këtij raporti, Smith këtë situatë e ka cilësuar si “të paprecedentë” dhe ka tentuar që për herë të parë të ngrihet aktakuzë ndaj një personi që është zgjedhur si president i ardhshëm. Raporti shton: Gjykatësja federale Tanya Chatkan, pas kërkesës së Smith, ka pezulluar të gjitha procedurat ligjore në këtë çështje për t'i dhënë Departamentit të Drejtësisë më shumë kohë për të vendosur mbi rrethanat. Raporti parashikon se një rast tjetër që lidhet me mbajtjen e dokumenteve të klasifikuara nga Trump ka të ngjarë të pezullohet pas fillimit mandatit të tij si president, sepse e njëjta politikë e parandalimit të ndjekjes penale të presidentëve zbatohet edhe për këtë rast. Akuzat kundër Trump janë aktakuzat e para penale kundër një ish-presidenti në historinë e SHBA.