Trump kërcënon BRICS

Presidenti i zgjedhur i Shteteve të Bashkuara kërcënoi vendet anëtare të grupit “BRICS” për vendosjen e tarifave të rënda.

Sipas agjencisë së lajmeve Mehr, presidenti i zgjedhur i SHBA-së, Donald Trump kërcënoi vendet anëtare të grupit "BRICS" dhe tha se nëse ata duan të fusin një monedhë rezervë si konkurrent ndaj dollarit, do të përballen me tarifa 100%. Trump në rrjetin e tij social të quajtur “Truth Social” ka shkruar: Ideja që vendet e BRICS do të përpiqen të distancohen nga dollari dhe ne thjesht do të jemi vëzhgues ka marrë fund. Duke theksuar se do t'u kërkojë vendeve të BRICS që të zotohen për të mos krijuar një monedhë të përbashkët, ai shtoi se edhe këto vende nuk duhet të mbështesin asnjë monedhë si alternativë ndaj dollarit të fuqishëm amerikan, sepse në të kundërt ata do të përballen me tarifa 100%. Presidenti i zgjedhur i Shteteve të Bashkuara shtoi:  Nuk ka asnjë mënyrë që BRICS të zëvendësojë dollarin amerikan në tregtinë ndërkombëtare dhe çdo vend që përpiqet ta bëjë këtë duhet t'i thotë lamtumirë SHBA-së. Më parë, grupi "BRICS" përbëhej nga Brazili, Rusia, India, Kina dhe Afrika e Jugut dhe në janar u zgjerua me shtimin e Egjiptit, Iranit, Etiopisë dhe Emirateve të Bashkuara Arabe. Rreth 30 vende të tjera kanë shprehur dëshirën për t'iu bashkuar këtij grupi të vendeve në zhvillim.  Zgjerimi i këtij grupi dhe bashkëpunimi i përbashkët i vendeve anëtare kanë shkaktuar shqetësim serioz në Uashington.