Mjeku saudit përgjegjës për sulmin terrorist në Gjermani

Të paktën 11 persona mbetën të vrarë dhe 80 të tjerë u plagosën në sulmin e një personi duke shtypur njerëzit me makinë në një treg Krishtlindjesh në qytetin Magdeburg të Gjermanisë.

Sipas gazetës gjermane Bild, personi sulmues është një mjek saudit 50-vjeçar, i cili mbërriti në Gjermani në vitin 2006 dhe punonte në Klinikën Magdeburg.

Raportimet tregojnë se drejtuesi i makinës sulmuese ka vozitur rreth 400 metra në tregun në fjalë dhe ka përplasur shumë persona. Ky shofer është arrestuar nga policia.

Në një mesazh, kancelari gjerman Olaf Scholz e përshkroi incidentin si një incident "të tmerrshëm".

Masat e sigurisë janë shtuar në Magdeburg dhe në qytetet përreth në lindje të Gjermanisë.

Emmanuel Macron, presidenti i Francës, i ka shprehur dhimbjen e tij popullit gjerman në një mesazh në rrjetin social “X” (ish-Twitter).

Në një deklaratë në platformën sociale X, qeveria e Arabisë Saudite shprehu solidaritetin me popullin gjerman dhe familjet e viktimave dhe theksoi refuzimin e dhunës.