Trump: Shpresoj që Irani të bjerë dakord

Presidenti i Shteteve të Bashkuara të Amerikës, Donald Trump, duke folur në lidhje me Iranin, ndërsa pretendoi se 'do të ishte mirë nëse mund t'i zgjidhnim çështjet me Iranin pa një sulm izraelit', tha: “Shpresoj se Irani do të bjerë dakord.”

Sipas agjencisë iraniane të lajmeve IRNA, presidenti i ri i Shteteve të Bashkuara të Amerikës, Donald Trump, u tha gazetarëve në Shtëpinë e Bardhë: “Shpresohet që kjo çështje të zgjidhet pa asnjë nevojë për t'u shqetësuar për të. Do të ishte mirë nëse do të mund të zgjidhej pa ndërmarrë atë hap shtesë.”

Në përgjigje të një pyetjeje në lidhje me mbështetjen e Amerikës për Izraelin në sulmin ndaj objekteve bërthamore të Iranit, presidenti Trump tha: “Është e qartë që nuk do t'i përgjigjem kësaj pyetjeje. Do të duhet të shohim se çfarë do të ndodhë. Në ditët në vijim do të takohem me njerëz të ndryshëm.”

Në përgjigje të pyetjes se me kë do të takohet, presidenti i ri amerikan shtoi: “Preferoj të mos them asgjë, por do të takohem me njerëz të nivelit shumë të lartë.”

Trump gjithashtu tha: “Shpresojmë se Irani do të bjerë dakord. Nëse ata nuk pajtohen, mendoj se edhe ashtu nuk do të jetë problem.”

Megjithatë, Trump pretendoi: “Unë kurrë nuk do të lejoj që Irani të posedojë një armë bërthamore.”