BE-ja paralajmëron përgjigje të vendosur ndaj tarifave të SHBA-së

Bruksel – Presidentja e Komisionit Evropian, Ursula von der Leyen, paralajmëroi se Bashkimi Evropian do të përgjigjet me vendosmëri nëse Shtetet e Bashkuara vendosin tarifa ndaj mallrave evropiane.

Pas takimit të liderëve të BE-së në Bruksel, Von der Leyen deklaroi: “Ne diskutuam partneritetet transatlantike dhe mënyrat për të forcuar bashkëpunimin pragmatik me Shtetet e Bashkuara. Nëse BE-ja vihet në shënjestër të tarifave amerikane, do të përgjigjemi me vendosmëri.”Këto deklarata vijnë pas vendimit të presidentit amerikan Donald Trump për të vendosur tarifa të larta për mallrat nga Kanadaja, Meksika dhe vende të tjera. Ai gjithashtu ka kërcënuar me tarifa ndaj mallrave nga Bashkimi Evropian, ndërkohë që përkohësisht ka pezulluar tarifat për Kanadanë dhe Meksikën për një muaj.Tensionet janë rritur më tej pas komenteve të Trump mbi mundësinë e marrjes nën kontroll të Grenlandës, një rajon autonom i Danimarkës, gjë që ka shtuar dyshimet e aleatëve evropianë mbi angazhimin e SHBA-së për ruajtjen e marrëdhënieve transatlantike.Në takimin e liderëve të BE-së në Bruksel, çështja e tarifave amerikane ishte një nga temat kryesore.Presidenti francez, Emmanuel Macron, deklaroi: “Nëse presidenti amerikan zbaton kërcënimin e tij për tarifa, BE-ja duhet të tregojë forcën e saj.”Kancelari gjerman, Olaf Scholz, theksoi: “Bashkëpunimi transatlantik është në dobi të të gjithëve dhe një luftë tregtare do të ishte e dëmshme si për Amerikën, ashtu edhe për Evropën.”Kryeministri polak, Donald Tusk, e cilësoi si “një gabim të rëndë” çdo përpjekje për të shkaktuar një luftë tregtare.Shefja e politikës së jashtme të BE-së, Kaya Kallas, paralajmëroi: “Luftërat tregtare nuk kanë fitues. Ne kemi nevojë për Amerikën, dhe amerikanët kanë nevojë për ne.”Me këto qëndrime të forta nga liderët evropianë, përplasjet tregtare mes BE-së dhe SHBA-së pritet të jenë një çështje kyçe në marrëdhëniet transatlantike në muajt në vijim.