Agresioni amerikan kundër objekteve bërthamore të Iranit, dënohet botërisht

Pars Today - Agresioni amerikan kundër objekteve bërthamore iraniane është përballur me dënim të gjerë global.

Duke dënuar sulmin amerikan ndaj objekteve bërthamore iraniane, vende dhe organizata të ndryshme deklaruan se ky akt armiqësor do të rrisë tensionet në rajonin e Azisë Perëndimore.

Sipas Pars Today, Presidenti kuban Miguel Diaz-Canel në reagim ndaj sulmit agresiv amerikan ndaj objekteve bërthamore iraniane në një deklaratë theksoi: Ne dënojmë fuqimisht bombardimin e objekteve bërthamore iraniane nga SHBA-të, e cila po shkakton përshkallëzim të rrezikshëm të konfliktit në Lindjen e Mesme.

Kolumbia: Sulmi amerikan do ta shtyjë Lindjen e Mesme drejt një konflikti më të gjerë

"Gustavo Petro", Presidenti i Kolumbisë, në reagim ndaj veprimit të SHBA-së për të sulmuar objektet bërthamore të Iranit tha: Sulmi amerikan ndaj objekteve bërthamore të Iranit do të ndezë zjarrin në Lindjen e Mesme. Duke hedhur poshtë pretendimet e zyrtarëve perëndimorë në lidhje me përpjekjet e Iranit për të arritur armën bërthamore, ai tha: Irani nuk po zhvillon armë bërthamore, por përkundrazi qëllimi i tij është zhvillimi paqësor bërthamor.

Venezuela: Ne dënojmë agresionin ushtarak amerikan kundër Iranit

Iván Gil Pinto, Ministri i Punëve të Jashtme i Venezuelës, gjithashtu deklaroi: Venezuela dënon agresionin ushtarak amerikan kundër Iranit dhe bën thirrje për ndërprerjen e  menjëhershme të konflikteve. Republika Bolivariane e Venezuelës dënon fuqishëm këtë bombardim, i cili u krye nga ushtria amerikane me kërkesë të Izraelit kundër objekteve bërthamore iraniane, duke përfshirë komplekset Fordow, Natanz dhe Isfahan.

Ministria e Jashtme Meksikane gjithashtu në rrjetin social X shkroi: Ministria bën thirrje për dialog urgjent diplomatik për paqe midis palëve në konfliktin e Lindjes së Mesme. Ne përsërisim thirrjen tonë për uljen e tensioneve në rajon.

Ministria e Jashtme Kiliane gjithashtu dënoi veprimin e SHBA-së dhe njoftoi se ky veprim është një kërcënim serioz për sigurinë rajonale dhe ndërkombëtare.

Lëvizja jemenase Ansarullah: Amerika duhet të presë pasojat e sulmit ndaj Iranit

Hizam al-Assad, një anëtar i byrosë politike të lëvizjes jemenase Ansarullah, gjithashtu dënoi sulmet e SHBA-së ndaj objekteve bërthamore të Iranit dhe tha: Uashingtoni duhet të presë pasojat e këtij veprimi.

Rezistenca Islamike Palestineze: Ne qëndrojmë me Iranin

Ndërkohë, Lëvizja e Rezistencës Islamike Palestineze "Hamas" në një deklaratë dënoi sulmin agresiv të SHBA-së ndaj objekteve bërthamore të Iranit dhe shprehu solidaritetin e saj të plotë me Iranin, qeverinë dhe popullin e tij, si dhe theksoi se grupi ka besim të fortë në aftësitë e Teheranit për të mbrojtur sovranitetin e vet.