Pezullohet shitja e armatimeve amerikane për anëtarët e NATO-s

Pars Today – Në një raport, portali "Axios" shkroi: “Më shumë se 5 miliardë dollarë nga shitjet e armatimeve amerikane për të mbështetur aleatët e NATO-s dhe Ukrainën janë vonuar për shkak të mbylljes së qeverisë federale”.

Sipas këtij portali lajmesh dhe analizash, Departamenti Amerikan i Shtetit vlerëson se më shumë se 5 miliardë dollarë nga shitjet e armatimeve amerikane për aleatët e NATO-s dhe Ukrainën janë vonuar për shkak të mbylljes së qeverisë.

Sipas Pars Today, një zyrtar i lartë i Departamentit Amerikan të Shtetit tha: “Kjo po dëmton vërtet aleatët dhe partnerët e Uashingtonit, si dhe industrinë amerikane, sepse shumë aftësi kritike nuk po transferohen jashtë vendit”. Shumë nga eksportet e armatimeve amerikane shiten në vendet evropiane për t'ia ofruar indirekt Ukrainës.

Sipas Aktit të Kontrollit të Eksportit të Armëve, Kongresi duhet të shqyrtojë propozimet për shitjet e armatimeve. Shumë punonjës të Departamentit të Shtetit përgjegjës për ofrimin e informacionit për komisionet e Kongresit dhe sigurimin e kryerjes së këtij procesi janë pezulluar me pushim të detyruar, duke vonuar kështu procesin e shitjes.

Sipas një zyrtari të lartë amerikan, Byroja e Çështjeve Politiko-Ushtarake e Departamentit të Shtetit, muajin e kaluar kishte vetëm rreth një të katërtën e stafit të saj në dispozicion për të përpunuar eksportet e armëve.

Zëdhënësi i Departamentit të Shtetit, Tommy Pigott, fajësoi demokratët për mbylljen e qeverisë, duke thënë se shitjet e armëve në vendet e NATO-s ishin thelbësore dhe se dëmtonin industrinë amerikane dhe sigurinë e këtij vendi dhe të aleatëve të tij.

Kryetari i Komitetit të Marrëdhënieve me Jashtë të Senatit, James Risch, tha: “Përpjekjet e Kinës dhe Rusisë për të dobësuar Amerikën dhe aleatët e saj, janë lehtësuar më shumë dhe industria amerikane po pëson goditje”.

Mbyllja e fundit e qeverisë ndodhi gjatë mandatit të parë të presidentit Donald Trump, nga dhjetori 2018 deri në janar 2019, kur ai kërkoi fonde për një mur përgjatë kufirit SHBA-Meksikë. Kjo mbyllje përfundoi pas 35 ditësh dhe presionit të fortë nga vonesat e fluturimeve dhe pagat e papaguara të punonjësve.