Francesca Albanese: SHBA-ja kërkon të heshtë kritikët e Izraelit

Pars Today – Raportuesja Speciale e Organizatës së Kombeve të Bashkuara për Territoret e Pushtuara Palestineze deklaroi se sanksionet e SHBA-së kundër grupit «Action for Palestine» vendosen me synimin për të heshtur kritikët e Izraelit.

Sipas Pars Today, duke cituar Agjencisë së Lajmeve të Radio-Televizionit të Republikës Islamike të Iranit (IRIB), Francesca Albanese shkroi të mërkurën në llogarinë e saj në rrjetin social X: “Sanksionet e SHBA-së kundër grupit "Action for Palestine" kanë në shënjestër ata që guxojnë ta bëjnë Izraelin, i cili akuzohet për kryerjen e krimeve ndërkombëtare, të japë llogari.”

Ajo shtoi: “Synimi i qartë i këtyre sanksioneve është të godasin një numër të vogël njerëzish për të heshtur shumë të tjerë.”

Huda Ammouri, një nga bashkëthemelueset e grupit "Action for Palestine", gjithashtu, në një postim në rrjetin social X, e përshkroi vendimin e SHBA-së si «përtej hipokrizisë» dhe shkroi: “Si palestineze dhe irakiane, fakti që një vend që ka shkatërruar të dyja vendet e mia më quan terroriste është përtej hipokrizisë.

Ajo shtoi se presidenti i SHBA-së, Donald Trump, është "e kundërta" e vlerave të grupit "Action for Palestine".

Departamenti i Thesarit i SHBA-së të mërkurën e vendosi grupin britanik të ashtuquajtur "Action for Palestine" në listën e organizatave terroriste globale. Zyra për Kontrollin e Pasurive të Huaja të SHBA-së (OFAC), institucioni përgjegjës për zbatimin e sanksioneve ekonomike të këtij vendi, e shtoi emrin e këtij grupi në listën e saj të shtetasve dhe personave të posaçëm nën sanksione.

 (Kërkoni video, na ndiqni: https://t.me/ParsTodayshqip)