Shahbaz Sharif: Agresioni kundër Iranit është shkaku i krizës në rajon

ParsToday - Kryeministri i Pakistanit në samitin e Organizatës së Bashkëpunimit të Shanghait, deklaroi: "Shkelja e integritetit territorial të Republikës Islamike të Iranit si anëtare e kësaj organizate në fillim të këtij viti çoi në një krizë të madhe në rajon, dhe ne theksojmë se e vetmja zgjidhje është diplomacia".

Sipas ParsToday, Shahbaz Sharif të martën gjatë një fjalimi në samitin e krerëve të shteteve të Organizatës së Bashkëpunimit të Shangait në Bishkek, kryeqytetin e Kirgistanit, tha: "Republika Islamike e Iranit, si anëtare e Organizatës së Bashkëpunimit të Shangait, u sulmua në fillim të këtij viti dhe sovraniteti dhe integriteti i saj territorial u shkelën. Kjo çoi në një krizë të madhe në rajon".

Shahbaz Sharif deklaroi se bllokimi i rrugëve të transportit që rezulton nga kjo krizë e madhe rajonale ka tronditur ekonominë globale dhe shumë vende, veçanërisht Pakistani, po vuajnë pasojat negative të saj.

Ai tha: "Pakistani kërkon fuqimisht paqen dhe do të vazhdojë misionin e tij të ndërmjetësimit dhe lehtësimit të ndershëm".

Kryeministri pakistanez theksoi: "Diplomacia është e vetmja zgjidhje e qëndrueshme për të kapërcyer krizën dhe ne theksojmë se zbatimi i Memorandumit të Mirëkuptimit të Islamabadit do të kontribuojë shumë në vendosjen e paqes dhe stabilitetit".

Ai gjithashtu për paktin e përbashkët të mbrojtjes midis Pakistanit, Arabisë Saudite dhe Turqisë, tha: "Ky pakt është i natyrës mbrojtëse, nuk është kundër asnjë vendi dhe nuk ishte planifikuar kurrë për konfrontim apo përçarje".

Duke shprehur shqetësim të thellë për përkeqësimin e situatës në Gaza dhe në Bregun Perëndimor të Palestinës, kryeministri pakistanez bëri thirrje për t'i dhënë fund luftës kundër palestinezëve dhe kërkoi që bashkësia ndërkombëtare t'u përmbahet angazhimeve të saj për të ndihmuar popullin palestinez.

Kërkoni video, na ndiqni: https://t.me/ParsTodayshqip