Mbyllet shkolla mbretërore saudite në Vjenë

Gjykata e Lartë e Vjenës vendosi sot të pezullojë licensën e aktivitetit të shkollës mbretërore saudite në kryeqytetin e Austrisë dhe urdhëroi mbylljen e kësaj shkolle.

Në këtë vendim thuhet se në këtë shkollë nxënësve u janë dhënë libra me përmbajtje ekstremiste dhe në kundërshtim të plotë me normat arsimore dhe me vlerat themelore të Austrisë. Gjykata e Lartë e Vjenës deklaroi se nxënësit e kësaj shkolle mund të regjistrohen në shkolla të tjera pa dhënë asnjë provim. Pas publikimit të këtij lajmi, Arabia Saudite e cilësoi të paligjshëm vendimin e gjykatës austriake dhe deklaroi se këtë çështje do t’a ndjekë në Gjykatën e Lartë Federale të Austrisë.