Zviceranët manifestojnë në përkrahje të refugjatëve

Qindra qytetarë zviceranë kanë manifestuar duke shprehur kundërshtimin ndaj masave të ashpra të qeverisë kundër refugjatëve.

Sic njofton Press TV, banorët e qytetit Lozanë kanë manifestuar sot me moton “Solidaritet pa kufi”, duke kritikuar ligjet e ashpra kundër refugjatëve, si dhe kanë kërkuar anulimin e ligjeve raciste. Ata mbanin parulla ku dënohej edhe traktati i Dublinit si dhe ligjet diskriminuese të BE në lidhje me azilkërkuesit. Sipas traktatit të Dublinit dhe ligjeve të BE, refugjatët duhet të mbeten në vendin e parë të BE ku janë futur për herë të parë.