Shpëtohen mbi 80 emigrantë në brigjet e Qipros

Autoritete policore të Qipros, kanë njoftuar se janë shpëtuar mbi 80 emigrantë në brigjet e këtij vendi.

Sipas agjencisë franceze të lajmeve AFP, garda bregdetare e Qipros ka njoftuar se janë shpëtuar 83 emigrantë, në mesin e të cilëve 37 ishin fëmijë, 14 gra dhe 32 burra. Ata janë gjetur në afërsi të qytetit Paphos, në perëndim të Qipros. Vlen të theksohet se, ditë më parë, Andrej Kiska, presidenti i Sllovakisë, të martën, deklaroi se ndarja proporcionale e Bashkimit Evropian për strehimin e emigrantëve në vendet anëtare të këtij Unioni, është një rrugëzgjidhje e tmerrshme dhe joefikase.