Me dhjetëra persona të plagosur gjatë protestave të opozitarëve në Venezuelë

Në protestat që u organizuan të mërkurën nga opozitarët e Nikollas Maduro, presidentit të Venezuelës, janë plagosur mbi 20 persona dhe janë arrestuar 39 persona të tjerë.

Agjencia AFP e lajmeve njoftoi se aktivistët e të drejtave të njeriut në Venezuelë kanë deklaruar se protestat janë organizuar në pesë provinca të këtij vendi. Kjo është në kohën kur mbledhja e jashtëzakonshme e deputetëve të Parlamentit të Venezuelës që janë kundër politikave të qeverisë së këtij vendi dhe besojnë se qeveria po pengon organizimin e referendumit për shkarkimin e presidentit të këtij vendi, ka rezultuar me përleshje mes disa deputetëve. Deputetët që përkrahin qeverinë e Venezuelës, në reagim ndaj planit për interpelancën e Nikollas Madurus, kanë akuzuar deputetët e opozitës për përpjekje për grusht shtet kundër qeverisë. Në reagim ndaj kësaj situate, Nikollas Maduro i ka quajtur deputetët e opozitës si mjet për shkatërrimin e Venezuelës dhe ka paralajmëruar Parlamentin dhe deputetët që nuk njohin ligjet e këtij vendi se nuk do të lejojë grusht shtet kundër qeverisë.