Amnesty International kërkon lirimin e Shejkh Ali Selman
Organizata ndërkombëtare Amnesty Interantional kërkoi lirimin pa kushte të Shejkh Ali Selman, sekretar i përgjithshëm i bashkësisë Al Vefak dhe anulimin e dënimit ndaj tij.
Kjo organizatë në një deklaratë theksoi se Shejkh Ali Selman është burgosur vetëm për shkak të përpjekjeve të tij paqësore për të pasur lirinë e shprehjes. Kjo organizatë kërkoi nga regjimi Al Khalifa që të ndërhyjë për të anuluar vendimin e gjykatës bahrejanse për burgosjen e këtij lideri të opozitës. AI tha se dënimi i Shejkh Ali Selman është shkelje flagrante e të drejtave të njeriut, sepse ai është arrestuar vetëm se ka shprehur lirshëm mendimin e tij. Kjo organizatë ka deklaruar se ka regjistruar 50 arrestime arbitrare të eksponentëve të opozitës nga regjimi Al Khalifa në Bahrejn.
