Putin: Ka përfunduar bota njëpolare

Presidenti rus ka thënë se përpjekjet për krijimin e botës njëpolare kanë dështuar.

Sipas agjencisë së lajmeve IRIB, Vladimir Putin, presidenti i Rusisë në një intervistë me kanalin televiziv rus NTV, ka paralajmëruar se përpjekjet për prishjen e ekuilibrit strategjik në nivel botëror mund të jenë një katastrofë e madhe globale. Putin ka theksuar se shumica e partnerëve të Rusisë preferojnë marrjen e vendimeve sipas ligjeve ndërkombëtare, përderisa Rusia përveç se përkrah interesin kombëtar të saj, po ashtu respekton edhe interesin e vendeve tjera. Vladimir Putin ka deklaruar se kundërshtimi i vendeve të mëdha që të respektojnë të drejtën ndërkombëtare, u bë shkak i shumë ngjarjeve dhe rezultateve negative.