Limuzina e Putinit del në shitje

Sajti gjerman i tregtimit të automobilave ‘Mobile.de” ka nxjerrë në shitje limuzinën e presidentit rus Vladimir Putin.

Limuzina që është një Mercedes Benz i tipit S600 Pullman, është nxjerrë në shitje nga një person i quajtur Sergej Urov. Kjo makinë e blinduar është prodhuar në vitin 1995, ka kryer 25 mijë km dhe kushton 1,3 milionë $. Për shkaqe sigurie, funksionarët rusë kanë vendosur të nxjerrin në shitje automobilat e autoriteteve të larta të Rusisë dhe të projektojnë dhe prodhojnë vetë makinat e tyre. Aktualisht kompania ruse Solers në bashkëpunim me kompanitë Rus Takh dhe Rus Avto, janë duke projektuar dhe prodhuar automobilat specialë ( Cortege) për liderët e Rusisë.