Turqia mbyll ambasadën e Holandës dhe dëbon ambasadorin holandez

Ashpërsohen raportet mes Turqisë dhe Holandës, pasi Ministria e Jashtme e Turqisë, si kundërpërgjigje për pengimin e ministrave turq që të marrin pjesë në tubime me qytetarë në Holandë, i ka kërkuar ambasadorit holandez që të mos kthehet për një kohë në Holandë.

"Njoftojmë se nuk dëshirojmë që të kthehet për një periudhë në detyrën e tij ambasadori i Holandës, i cili ende ndodhet me leje jashtë Turqisë", thuhet në mesazhin e Ministrisë së Jashtme të Turqisë. Gjithashtu burimet informative kanë bërë të ditur se autoritetet turke e kanë rrethuar ambasadën dhe konsullatën holandeze. Turqia e ka mbyllur edhe rezidencën e ambasadorit holandez, zyrën ndërlidhëse dhe konsullatën e përgjithshme. Më herët, ministrja turke për familjen, Fatma Betul Sayan Kaya, është bllokuar nga policia holandeze që të hyjë në konsullatën turke në Roterdam. Agjencia e lajmeve ISNA ka njoftuar se autoritetet e qeverisë turke kanë theksuar se ky veprim i Holandës do të ketë pasoja të tmerrshme në fushat diplomatike, politike, ekonomike dhe të tjera.