Mijëra persona protestojnë në Barcelonë të Spanjës

Mijëra qytetarë janë mbledhur në Barcelonë, qendrën e Katalonisë të Spanjës, ku kanë protestuar kundër përpjekjeve të partive pro pavarësisë së këtij rajoni dhe kanë deklaruar mbështetjen e tyre ndaj bashkimit të Spanjës.

Agjencia franceze e lajmeve AFP njoftoi se protestuesit ditën e diele gjatë kësaj proteste kanë kërkuar nga qeveria e Spanjës që të pengojë partitë pro pavarësisë së këtij rajoni dhe të mos lejojë organizimin e referendumit në lidhje me këtë çështje. Protestuesit gjithashtu janë mbledhur përpara zyrës së Carles Puigdemont, kryetarit të qeverisë lokale të provincës Katalonia në qytetin e Barcelonës.