Qeveria e re e Theresa May drejt varfërimit të britanikëve

Qeveria e kryeministres së Mbretërisë së Bashkuar, Theresa May, "gëzohet duke i bërë njerëzit më të varfër", thotë një deputete laburiste, duke akuzuar May për ndërmarrjen e politikave "të ftohta" që u shërbejnë interesave të qeveritarëve më shumë sesa publikut.

Laura Pidcock, e cila hyri në Dhomën e Komunave në zgjedhjet e përgjithshme të 8 qershorit, shkroi në një artikull se dita e saj e parë në parlament ishte e mjaftueshme për të që të kuptonte se sa konservatorët ishin të shkëputur nga njerëzit e zakonshëm. Deputetja veçanërisht kritikoi ligjvënësit pro-qeveritarë për refuzimin e tyre për të hequr ngrirjen e pagave "për punëtorët e sektorit publik të dobët dhe të nënvlerësuar", një amendament i diskutueshëm i laburistëve për axhendën e qeverisë, që u votua me 323-309 javën e kaluar. "Në lavdinë e tyre, konservatorët brohorisnin. Ata qeshën, u buzëqeshën dhe u treguan si fëmijë në një shesh lojërash", tha ajo për ligjvënësit e partisë qeveritare pas votimit, duke i përshkruar reagimet e tyre si" gjakderdhje". "Të qeshësh me ngrirjen e pagave të një personi është groteske dhe dëshmi se ata janë tërësisht të shkëputur nga njerëzit që kanë privilegjin t’i përfaqësojnë", shkruan ajo në një artikull të botuar nga The Guardian të mërkurën. Konservatorët u mburrën me votën e tyre, para mediave pro-qeveritare duke e quajtur atë si një humbje "poshtëruese" për udhëheqësin e Partisë Laburiste, Jeremy Corbyn. Vota nxiti reagimin e publikut. Disa nga ligjvënësit pranuan se megjithëse mbështetën një ngritje pagash për sektorin publik, ata nuk donin të votonin për një faturë të laburistëve për ta autorizuar atë. Pidcock tha në artikullin e saj se populli britanik është  "akoma i trishtuar nga qeverisja e një partie që është e kënaqur me varfërinë dhe e lumtur për të lënë njerëzit të privuar nga regjimi i sanksioneve". Nën udhëheqjen e Corbyn, Partia Laburiste ka kohë që po bën thirrje për një ngritje pagash në sektorin publik, një plan që shkon kundër masave shtrënguese të Theresa May dhe është parë gjerësisht nga anëtarët e partisë së saj si një "lojë politike". "Qeveritarët janë mbrojtës të pamëshirshëm të fuqisë së tyre dhe ata kanë dëshmuar se nuk do të ndalen së punuari kundër popullit britanik", tha Pidcock. Deputetja e Durham-it veri-perëndimor argumentoi se ende ka shpresa që nga rezultati i zgjedhjeve të fundit tregoi se një "lëvizje e fuqishme masive" po forcohej në ndryshimin e status quos dhe "Unë nuk mendoj se do të zgjasë derisa energjitë e tyre të shpërblehet".