Britania mund të "mbijetojë" edhe pa BE-në

Marrëveshja e tregtisë në mes të Britanisë së Madhe dhe Bashkimit Evropian duhet të jetë “ një nga marrëveshjet më të lehta në histori” për t’u arritur, ka thënë ministri i Tregtisë në Britani, Liam Fox.

Fox ka thënë se Britania dhe BE-ja kanë rregullore të ngjashme për këtë çështje. “Arsyeja e vetme pse ne nuk kemi ardhur tek një marrëveshje e hapur dhe e lirë, ka qenë sepse politika është përfshirë në rrugën e ekonomisë”, ka thënë Fox. Negociatorët e Britanisë së Madhe dhe BE-së, pritet që sot të flasin se si ka shkuar raundi i parë i takimeve. Fox ka thënë se Britania mund “ të mbijetojë”, pas Brexitit edhe pa një marrëveshje të tregtisë së lirë me BE-në.