Vazhdojnë sulmet e ndryshme në Evropë

Në kuadër të sulmeve në Evropë, një person ka sulmuar disa ushtarë në Bruksel, qendrën e BE. Televizioni publik RTBF në Bruksel raportoi se agresori i identifikuar si një 30-vjeçar nga Somalia, u transferua në spital, në gjendje të rëndë, ku më pas humbi edhe jetën. Ai plagosi disa ushtarë, ndërsa dëshmitarët raportojnë se kanë dëgjuar edhe dy shpërthime gjatë incidentit.

Ngjarja u regjistrua mbrëmjen e së premtes më 25 gusht 2017. Forcat belge të sigurisë neutralizuan agresorin që sulmoi dy ushtarë me thikë në qendër të Brukselit, konfirmoi zyra e prokurorisë federale. Megjithatë ende nuk ka konfirmim nëse behet fjale për sulm terrorist. Ndërkohë ushtarët kanë marrë plagë të lehta, njëri në fytyrë e tjetri në dorë. Qendra belge e krizës tha se situata ishte nën kontroll. Në Twitter, kryeministri belg, Charles Michel, ofroi  të gjithë mbështetjen për ushtrinë. “Shërbimet tona të sigurisë mbeten të vëmendshme. Ne po e monitorojmë situatën nga afër, “shtoi ai. Vendi i ngjarjes, në bulevardin Emile Jacqmain është pushtuar shumë shpejt nga policia dhe shërbimet e emergjencës, ndërsa është krijuar edhe një perimetër sigurie. Incidenti i djeshëm ka ndodhur vetëm pak metra larg rrugës, ku elementët e ISIS bënë thirrje për sulme me automjete, ndërsa policia arrestoi edhe një të dyshuar me bombë në një qendër tregtare.