Bashkimi Evropian i kërkon Spanjës të negociojë me autoritetet katalanase
Komisioni Evropian, pa iu referuar dhunës së policisë spanjolle gjatë organizmit të referendumit mbi pavarësinë e Katalonjës, kërkoi bisedime midis palëve.
Sipas agjencisë së lajmeve Reuters, Komisioni Evropian sot (e hënë) njoftoi mbështetjen e kryeministrit spanjoll Marianno Rajoi në atë që Komisioni e përshkroi si "çështje e brendshme", i kërkoi Spanjës të diskutojë dhe këshillojë autoritetet katalanase për ngjarjet e fundit rreth referendumit të pavarësisë së këtij rajoni. Zëdhënësja e Komisionit Evropian Margaritis Schinas tha: "Ne duam që të gjitha palët e përfshira në çështjen e Katalonjës të jenë në gjendje të negociojnë sa më shpejt që të jetë e mundur". Vlen të theksohet se referendumi për pavarësinë e Katalonjës është shoqëruar me incidente ku ka pasur dhe përplasje mes banorëve dhe policisë spanjolle. Mediat raportojnë se forcat e dërguara nga Madridi kanë hyrë me forcë në një nga qendrat e votimit në Girona.