Protesta në Barcelonë kundër vendimeve të qeverisë spanjolle

Pas zbatimit të nenit 155 të kushtetutës, qeveria spanjolle morri nën kontroll rajonin e Katalonjës dhe kjo shkaktoi protesta të gjera në Barcelonë.

Pjesëmarrësit në këto protesta kanë kërkuar lirimin e Jordi Sanchez dhe Jordi Cuixart dy nga liderët e Katalonjës të cilët janë arrestuar nga policia spanjolle nën akuzën për tradhti. Spanja vendosi kontroll mbi Katalonjën, duke aktivizuar nenin 155 të Kushtetutës, dhe duke shpërndarë parlamentin e rajonit. “Qeveria u detyrua të zbatojë nenin 155 të Kushtetutës, dhe pse nuk ishte dëshira jonë”, tha Mariano Rajoy në fund të mbledhjes së jashtëzakonshme të kabinetit qeveritar mbi Katalonjën. Duke folur për referendumin, Rajoy tha se bëhet fjalë për një “proces totalisht të njëanshëm dhe kundër ligjit”. Ai tha se në përputhje me nenin 155 të Kushtetutës shkrihet parlamenti i Carles Puigdemont, dhe gjithë anëtarët e qeverisë së Katalonjës. Më 27 tetor Parlamenti spanjoll do të mblidhet për të votuar këto masa, ndërkohë që do të ketë zgjedhje të parakohshme. “Dëshira ime është të shkojmë në zgjedhje sa më shpejt të jetë e mundur, sapo të vendoset normaliteti institucional”, shpjegon Rajoy duke thënë se zgjedhjet lokale në Katalonjë të mbahen maksimumi brenda 6 muajsh.