Rusia e shqetësuar nga tensionet në Gjirin Persik

Ministri i Jashtëm rus Sergei Lavrov deklaroi se Moska është e shqetësuar lidhur me tensionet në rritje në rajonin e Gjirit Persik, rreth pesë muaj pasi një kuartet i shteteve arabe të udhëhequr nga Arabia Saudite imponuan një bllokadë të fortë ndaj Katarit dhe në klimën e akuzave të pabaza të Riadit kundër Iranit.

"Tensionet në rritje në zonën e Gjirit Persik shkaktojnë shqetësim. Jo vetëm në lidhje me Iranin, por edhe midis monarkive arabe, "tha të martën diplomati i lartë rus në takimin e Këshillit të Çështjeve Ndërkombëtare Ruse, një institut akademik dhe diplomatik jo-fitimprurës, në kryeqytetin Moskë. Më 5 qershor, Arabia Saudite, Egjipti, Bahreini dhe Emiratet e Bashkuara Arabe imponuan një embargo tregtare dhe diplomatike kundër Katarit, duke e akuzuar Dohën për mbështetjen e terrorizmit, një akuzë e mohuar fort nga Doha. Më pas, shtetet bojkotuese nxorën një listë kërkesash për Katarin për të zgjidhur mosmarrëveshjet, por Doha ka refuzuar të veprojë në përputhje me to duke i cilësuar kërkesat si një sulm ndaj sovranitetit të saj. Në këmbim, katër vendet arabe u zotuan të imponojnë sanksione të tjera ndaj Katarit. Arabia Saudite njihet si sponsori kryesor i terroristëve vehabistë ndërsa e ka akuzuar Katarin për përkrahje të terrorizmit. Disa analistë besojnë se zemërimi saudit është më tepër, sepse Katari vepron në mënyrë të pavarur nga Riadi, duke përfshirë edhe në marrëdhëniet e tij me Iranin.