4 të vrarë në veri të Egjiptit

Autoritetet egjiptiane njoftuan vrasjen e 4 pjesëtarëve të grupeve terroriste në Sinai të Egjiptit.

Lajmi bëhet i ditur nga agjencia Sky News sipas të cilës forcat ajrore të Egjiptit kanë sulmuar një automjet të terroristëve në qytetin Rafah pjesë e provincës Sinai në veri të vendit. Nga ky sulm 4 pjesëtarë të grupeve terroriste janë vrarë, ndërkohë që në qytetin Arish janë arrestuar 9 të tjerë. Rajoni Sinai është kthyer në strehën e grupeve terroriste si ISIS të cilën kryejnë sulme të shumta kundër ushtarëve egjiptianë. Nga përleshjet mes terroristëve të varur nga ISIS dhe forcave egjiptiane të rendit në rajonin Sinai, në tre vitet e kaluara janë varrë me qindra policë dhe plagosur shumë të tjerë.