Trump do të qëndrojë në marrëveshjen bërthamore

Presidenti i SHBA Donald Trump pritet të shtyjë lehtësimin e sanksioneve për Iranin si pjesë e një marrëveshjeje bërthamore të vitit 2015, ndërsa administrata e tij punon për një "rregullim" të marrëveshjes shumëpalëshe, njoftuan zyrtarët amerikanë.

Siç njofton agjencia e lajmeve AP,  e cila citon burime brenda administratës amerikane, Presidenti amerikan, i cili ka afat të mendojë deri të premten, ka të ngjarë të pranojë rekomandimet e sekretarit të shtetit Rex Tillerson, sekretarit të mbrojtjes James Mattis dhe këshilltarit të sigurimit kombëtar HR McMaster dhe të vendosë për shtyrjen e lehtësimit të sanksioneve anti-iraniane edhe për tre muaj të tjerë. Ky veprim shkon kundër dëshirës së Trump për t'i dhënë fund përfshirjes së vendit të tij në marrëveshjen e rëndësishme midis Iranit dhe gjashtë fuqive botërore - SHBA, Britania e Madhe, Franca, Kina, Rusia dhe Gjermania. Marrëveshja vendos kufizime për pjesë të programit paqësor bërthamor të Iranit në këmbim të heqjes së sanksioneve bërthamore. Sipas raportit të AP, megjithatë, Trump ka të ngjarë të prezantojë një seri të re të sanksioneve që do të përfshinin edhe firmat dhe individët iranianë, sanksionet ndaj të cilëve duhej të hiqeshin nën marrëveshjen bërthamore.